PASA BUSKA BO KARCHI DI VOTA PA ELEKSHON DI PARLAMENTO OROPEO PROMÉ KU 22 DI MEI

Kralendijk – Siman pasá nan a entregá e karchinan di vota pa Elekshon di Parlamento Oropeo. Mas o ménos 2.29% di e karchinan di vota (292 karchi) no a ser entregá. Si Bo no a risibí Bo karchi di vota, Bo por pasa tuma esaki for di djaluna 13 te ku djárason 22 di mei na departamentu di Registro Sivil na Kaya Neerlandia 40. Si Bo no ta logra pa pasa tuma Bo karchi di vota na departamentu di Registro Sivil promé ku djárason 22 di mei, e ora ei ainda Bo por tuma Bo karchi di vota dia 23 di mei na urna elektoral sentral na Passangrahan. Esaki ta konta solamente pa e 292 karchinan di vota ku no a ser entregá.

Si Bo karchi di vota no a ser entregá i esaki no ta na departamentu di Registro Sivil òf Bo a pèrdè Bo karchi di vota, e ora ei pa mas tardá djárason 22 di mei te ku 12 ‘or di mèrdia Bo por hasi petishon pa un duplikado na departamentu di Registro Sivil. Riba djárason 22 di mei despues di 12 ‘or di mèrdia no ta posibel mas pa pidi un duplikado. Departamentu di Registro Sivil ta habrí di djaluna te ku djaweps for di 8’or di mainta te ku 3’or di tramèrdia.

Dia 23 di mei 12.760 siudadano por vota pa e elekshon aki. Por tin diferente motibu pakiko tin siudadano ku no a risibí nan karchi di vota. Kisas e personanan aki no tin un brivenbùs òf ora ku nan a muda nan a lubidá di notifiká departamentu di Registro Sivil di nan kambio di adrès.

E tabèl aki bou ta indiká dikon no por a entregá 2,29% di e karchinan di vota:

Bario Adrès no ta konosí òf e persona(nan) a muda No tin brivenbùs
Kralendijk, Hato & Sabadeco 62 1
Tera Kòrá 41 6
Nikiboko 39 22
Antriol 32 10
Nort’i Saliña 54 9
Rincon 16  
Totaal 244 48

 

No warda te 22 di mei pa buska Bo karchi di vota. Pasa buska esaki na tempu i bai vota dia 23 di mei!