Konseho Insular na palabra

Riba e página aki kada konsehal ta konta nan eksperensia di e periodo tras di lomba. Tambe nos ta splika kon miembronan di Konseho Insular ta keda eligí, nan tareanan i kon abo mes por bira miembro di Konseho Insular.

Miembronan

Pa e periodo di 2015 – 2019 e siguiente miembronan a keda nombrá:

Edison Rijna

Presidente Konseho Insular

Clark Abraham

Miembro di Konseho Insular

Hennyson Thielman

Miembro di Konseho Insular

Elvis Tijn A Sjoe

Miembro di Konseho Insular

Maritsa Silberie

Miembro di Konseho Insular

Marugia Janga

Miembro di Konseho Insular

Renata Domassé

Miembro di Konseho Insular

Robby Beukenboom

Miembro di Konseho Insular

Kiko ta Konseho Insular?

E Konseho Insular ta e órgano di gobernashon di mas haltu na Boneiru. E Konseho Insular ta indiká Kiko tin ku sosode na Boneiru i ta vigilá e trabou di Kolegio Ehekutivo. E 9 miembronan di Konseho Insular ta keda eligí dor di suidadanonan di Bonieru.

Tareanan di Konseho Insular

E tareanan di Kolegio Insular ta konsistí den tres parti:

  1. forma represtashon di pueblo,
  2. stipulá e kuadronan,
  3. kontrolá Kolegio Ehekutivo.

Kon mi por bira miembro di Kolegio Insular?

Tur hende por bira miembro di Konseho Insular. Bo no tin ku kita for di bo trabou òf estudio, pasobra e no ta un funshon diario. Abo tambe por yuda tuma desishon pa 4 aña largu. E forma mas usual pa bira miembro di Konseho Insular ta dor di djòn un agrupashon polítiko na Boneiru.

 

Rekesitonan formal

Pa keda skohí komo miembro di Konseho Insular, bo tin ku kumpli ku algun kondishonnan. Bo mester ta 18 aña of mas di edat no eskluí di derechi di voto. Si bo ke keda instalá komo miembro di Konseho Insular bo tin ku ta biba na Boneiru. Na Boneiru ta posible tambe pa hendenan ku no tin e nashonalidat Hulandes pa forma parti di Konseho Insular. Pa suidadanonan ku no tin e nashonalidat Hulandes, nan mester ta bibá minimalmente 5 aña, tras di otro, legalmente na Boneiru. Debí ku tin funshonann ku no ta bai ku ehersé e funshon di Konseho Insular, miembronan di Konseho Insular ta obligá na publiká tur otro funshonnan ku nan ta ehersé. Asina tambe bo no por ta apuntá komo ambtenar dor di Kolegio Ehekutivo.ؘ